കന്നിവോട്ടിന്റെ ആഹ്ലാദത്തില്‍ നമിത
കൊച്ചി: കന്നിവോട്ട് ചെയ്തതിന്റെ ആഹ്ലാദത്തിലാണ് രാഷ്ട്രമീമാംസ ബിരുദവിദ്യാര്‍ഥിയായ നമിത സൂസന്‍ ചാലി. മുംബൈ സെന്റ് സേവ്യേഴ്‌സ് കോളേജിലെ മൂന്നാംവര്‍ഷ വിദ്യാര്‍ഥിയാണ്. ഇപ്പോള്‍ സെമസ്റ്റര്‍ അവധിയായതിനാലാണ് നാട്ടിലെത്തിയത്. ആദ്യവോട്ട് കഴിഞ്ഞപ്പോള്‍ വല്ലാത്തൊരു ആശ്വാസവും ആഹ്ലാദവും അനുഭവപ്പെട്ടതായി നമിത പറയുന്നു. നേരത്തെ തദ്ദേശഭരണ തിരഞ്ഞെടുപ്പില്‍ വോട്ടുണ്ടായിരുന്നെങ്കിലും നിയമസഭയിലേക്കുള്ള കന്നിവോട്ടിന്റെ പ്രാധാന്യം നമിത മിച്ചുവയ്ക്കുന്നില്ല. അച്ഛന്‍ ജസ്റ്റിസ് ഷാജി പി.ചാലിക്കും അമ്മയ്ക്കുമൊപ്പമാണ് എസ്.ആര്‍.വി. സ്‌കൂളിലെ ബൂത്തില്‍ വോട്ടുചെയ്യാനെത്തിയത്. ആദ്യകാല തിരഞ്ഞെടുപ്പുമുതലുള്ള ചിത്രങ്ങള്‍ ഉള്‍പ്പെടുത്തിയുള്ള പ്രദര്‍ശനവും വിശദമായി കണ്ടാണ് ഈ രാഷ്ട്രമീമാംസ വിദ്യാര്‍ഥി മടങ്ങിയത്.
വെണ്‍ബയ്ക്ക് ഇത് കളിയിടം
അച്ഛനും അമ്മയ്ക്കും വോട്ടിടം
കൊച്ചി : വെണ്‍ബ രജനീഷിനിത് പുതുമയുള്ള വോട്ടെടുപ്പുകാലമായിരുന്നു. അച്ഛനും അമ്മയ്ക്കും ഒപ്പം വോട്ടെടുപ്പിനു പോകുമ്പോഴെല്ലാം അച്ഛന്റെ ഒക്കത്തിരുന്ന് കാഴ്ചകള്‍ കണ്ടവള്‍. ഇക്കുറി സ്ഥിതിയാകെ മാറി. അച്ഛനും അമ്മയും വോട്ടുചെയ്തുവരുംവരെ കളിപ്പാട്ടങ്ങള്‍ക്കും മറ്റും ഒപ്പം കൂടാന്‍ വെണ്‍ബയ്ക്കും അവസരമായി. തിരഞ്ഞെടുപ്പ് കമ്മിഷന്റെ പുതിയ നിര്‍ദേശപ്രകാരം ഒരുക്കിയ മാതൃകപോളിങ് ബൂത്തുകളിലൊന്നായ എസ്.ആര്‍.വി.സ്‌കൂളിലെ ബൂത്തിലാണ് വെണ്‍ബയ്ക്ക് ഈ സൗകര്യങ്ങള്‍ ലഭിച്ചത്. അച്ഛന്‍ ജില്ല തിരഞ്ഞെടുപ്പ് ഓഫീസറായ ജില്ല കളക്ടര്‍ എം.ജി.രാജമാണിക്യമാണെങ്കില്‍ അമ്മ വിജിലന്‍സ് എസ്.പി. നിശാന്തിനി. ഇരുവരുടെയും തിരക്കുകള്‍ക്കിടയില്‍ വെണ്‍ബയ്ക്ക് വീണുകിട്ടിയ സ്വര്‍ഗമായിരുന്നിത്.
വോട്ടുചെയ്യാനെത്തിയ ഇരുവര്‍ക്കും ഒപ്പമെത്തിയ വെണ്‍ബ കളിസ്ഥലത്ത് ഇരിക്കാന്‍ ആദ്യം മടികാണിച്ചെങ്കിലും പതുക്കെ അതുമായി സമരസപ്പെടുകയായിരുന്നു. കളിയുപകരണങ്ങളും മറ്റുമെടുത്തെങ്കിലും താമസിയാതെ ചിത്രരചനയിലേക്കു തിരിഞ്ഞു. ഈസമയത്ത് അമ്മയുടെ ശ്രദ്ധയും അവള്‍ക്കൊപ്പമായിരുന്നു. പിന്നീട് കളക്ടര്‍ വോട്ടുരേഖപ്പെടുത്തിയതിനുശേഷമാ
കുട്ടികള്‍ക്കു കളിസ്ഥലവും മുതിര്‍ന്നവര്‍ക്ക് വോട്ടുകേന്ദ്രവുമായി നഗരത്തിലെ പോളിങ് ബൂത്ത് ശ്രദ്ധേയമായിരുന്നു. എസ്.ആര്‍.വി. എല്‍.പി.സ്‌കൂളിലെ പോളിങ് ബൂത്തിലാണ് ഈ മാതൃക പോളിങ് കേന്ദ്രം. മറ്റു ബൂത്തുകളില്‍ നിന്ന് വ്യത്യസ്തമായി ഇവിടെ മുതിര്‍ന്നവര്‍ക്കൊപ്പമെത്തുന്ന കുട്ടികള്‍ക്ക് കളിക്കാന്‍ പ്രത്യേക മുറിയാണിവിടെ സജ്ജമാക്കിയത്. ഇതില്‍ വിവിധതരം കളിയുപകരണങ്ങളും ഒരുക്കിയിട്ടുണ്ട്. കൊച്ചങ്ങാടിയിലെ രക്ഷ സ്‌പെഷല്‍ സ്‌കൂളിന്റെ സഹായത്തോടെ അവരുടെ ഉപകരണങ്ങളുമായാണ് ഇവിടെ ഈ ഏകദിന കളിസ്ഥലം ഒരുക്കിയത്. ഇവിടെ കോഴ്‌സ് കോ-ഓര്‍ഡിനേറ്ററായ രാഗിണിയുടെ നേതൃത്വത്തില്‍ അധ്യാപക പരിശീലനം നേടുന്ന മീര, ഷിന്‍സി എന്നിവരായിരുന്നു കളിസ്ഥലത്തെ സഹായികളായി കുട്ടികള്ക്കൊപ്പമുണ്ടായിരുന്
1951 തിരഞ്ഞെടുപ്പ് മുതലുള്ള സവിശേഷമായ ചിത്രങ്ങള്‍ ഉള്‍ക്കൊള്ളിച്ചുള്ള പ്രത്യേക ചിത്രപ്രദര്‍ശനവും ഈ മാതൃക ബൂത്തിലുണ്ട്. ബൂത്തില്‍ പ്രവേശിക്കുന്നയിടം മുതല്‍ ഏതൊക്കെ ഭാഗത്തേക്കാണ് പോകേണ്ടതെന്ന ദിശാസൂചകങ്ങള്‍, കുടിവെള്ളത്തിന് പ്രത്യേക സംവിധാനം, ടോയ്‌ലറ്റുകള്‍, സര്‍വസജ്ജമായ ആശുപത്രി സംവിധാനം തുടങ്ങി പോളിങ് ബൂത്തില്‍ ഇതുവരെ കാണാത്ത സംവിധാനങ്ങളാണ് ഇവിടെയുള്ളത്. മുതിര്‍ന്നവര്‍ ഉള്‍പ്പടെയുള്ള വോട്ടര്‍മാര്‍ക്ക് വിശ്രമിക്കാന്‍ പ്രത്യേക ഇരിപ്പടവും സംവിധാനം ചെയ്തിരുന്നു. കണയന്നൂര്‍ താലൂക്ക് തഹസില്‍ദാര്‍ അനില്‍ഉമ്മന്റെ നേതൃത്വത്തിലുള്ള സംഘമാണ് മാതൃകബൂത്ത് സജ്ജമാക്കിയത്. ജില്ലയിലെ തന്നെ മികച്ച മാതൃക ബൂത്തുകളിലൊന്നായി ഇത് മാറി.
1. രാധാ വാരസ്യാര്‍ - തൃപ്പൂണിത്തുറ നിയോജക മണ്ഡലം ബൂത്ത് നമ്പര്‍ 37 തൊണ്ടൂര്‍ കെ.എം എല്‍ .പി സ്‌കൂള്‍
2. കന്നിവോട്ടര്‍മാര്‍ - ബൂത്ത് നമ്പര്‍ 39 തൃപ്പൂണിത്തുറ നിയോജക മണ്ഡലം തൊണ്ടൂര്‍ കെ.എം എല്‍ .പി സ്‌കൂള്‍
3. വൈകല്യം മറന്ന് മഹേഷ് - ബൂത്ത് നമ്പര്‍ 41 തൃപ്പൂണിത്തുറ നിയോജകമണ്ഡലം പോട്ടയില്‍ നഴ്‌സറി സ്‌കൂള്‍
No comments:
Post a Comment